Pisan

Frá MFS Wiki

Hettar er ein stubbi.

MFS gevur út Pisuna eina ferð um árið, og er hon ein bóklingur ætlaður teimum, ið fara undir hægri lestur í Føroyum ella uttanlands. Í Pisuni kanst tú lesa um ymisk viðkomandi viðurskifti í sambandi við lestrarval, lestrarbyrjan og ymisk praktisk viðurskifti, sum eru viðkomandi í samband við hægri útbúgving.

Í blaðnum er eitt rættiliga fjølbroytt úrval av greinum um ymisk lestrarlond, har føroyingar eru ella hava verið undir útbúgving, har greitt verður persónligum royndum í einstøku londunum. At enda eru eisini ymisk hent yvirlit við upplýsingum viðvíkjandi m.a. lestrarvegleiðing, bústaðarávísing, føroyskum feløgum uttanlands o.s.fr.

Pisan fæst ókeypis frá MFS, á føroysku bókasøvnunum, hjá ASK, LFÚ og hjá lestrarvegleiðarunum á miðnámsskúlunum kring landið.