Løgfrøðilesandi í lestrarstarv

Brúkaraumboðið søkir eftir einum løgfrøðilesandi at byrja 1. juni 2023 ella sambært nærri avtalu.
 

Um starvið

Í lestrarstarvi á Brúkaraumboðnum kemur tú í høvuðsheitum at arbeiða við løgfrøðiligum uppgávum, sum viðvíkja marknaðarføringslógini, gjaldslógini og aðrari brúkaraverjulóggávu. Uppgávurnar fevna m.a. um:
 

• -  At vegleiða og ráðgeva borgarum og vinnurekandi um góðan marknaðarføringssið og um galdandi reglur á økinum

• -  At skriva tíðindi, vegleiðingar og leiðreglur til heimasíðuna

• -  At veita løgfrøðiligar metingar í sambandi við málsviðgerð

• -  At luttaka í norðurlendskum arbeiðsbólkum

• -  At røkja vanligt skrivstovuarbeiði og loysa ad hoc uppgávur
   

  Vit kunnu bjóða eitt spennandi og mennandi lestrarstarv, við fakligari menning í fokus.
   

  Førleikar

  Vit vænta at tú:
   

• -  Ert løgfrøðilesandi

• -  Ert fakliga væl fyri og hevur áhuga fyri lóggávu innan marknaðarføring og brúkaraverju

• -  Dugir væl at samskifta á skrift og talu á føroyskum, donskum og enskum

• -  Ert skipað/ur og kann arbeiða sjálvstøðugt

• -  Ert fyrikomandi, fleksibul og hevur góð samstarvsevni
  
   

  Setanartreytir

  Tú verður sett/ur sum tímaløntur, har vit vænta at tú kanst arbeiða í miðal umleið 12 tímar um vikuna, við møguleika fyri at arbeiða meira til tíðir. Tann lesandi kann, í sambandi við próvtøkur o.a. avtala nærri um broytta arbeiðstíð. Løn er eftir sáttmála við Starvsfelagið ella Búskapar- og Løgfrøðingafelag Føroya. Starvsstaðurin er á Brúkaraumboðnum, Skálatrøð 20, Tórshavn. Tann, ið settur verður, eigur at tola broytingar í starvinum.

  Umsóknarfreistin er 8. mai 2023. Umsókn, lívsrensl, prógv o.a. skulu sendast til bruk@bruk.fo. Nærri fæst at vita um starvið við at venda sær til Rannvá Sólheim, stjóra á tlf. 358000.
  
   

  Um Brúkaraumboðið

  Brúkaraumboðið er stovnur undir Uttanríkis- og Vinnumálaráðnum og hevur eftirlit við, at lóg um marknaðarføring og ávísar reglur í gjaldslógini verða hildnar. Sí nærri á www.bruk.fo
  
   

Skálatrøð 20, Postrúm 73, FO- 110 Tórshavn, www.bruk.fo, bruk@bruk.fo, tel: +298 35 80 00